SEAGA ten a exclusividade nos convenios de colaboración do Sistema público de xestión de biomasa en faixas secundarias. No Concello de Gondomar non se atopa que se faga público o convenio e o Plan de Prevención de Incendios non inclúe un Plan financeiro Canto se embolsará SEAGA?
Leer másUn exemplo para describir o absurdo
IMAXINAR unha EMPRESA, dedicada a prestar Servizos de Grúa para a recollida de coches, que se presenta no CONCELLO propoñendo un CONVENIO que outorga á EMPRESA a EXECUCIÓN SUBSIDIARIA da retirada dos coches mal aparcados.
O CONVENIO está redactado pola propia EMPRESA que, ademais de retirar os coches, encargarase de fixar as zonas onde non se pode aparcar, aforrándolle ao CONCELLO o esforzo económico e financeiro que supón este traballo. O CONCELLO asina o CONVENIO porque se quita do medio o problema dos coches mal aparcados sen destinar fondos do orzamento municipal.
Co acordo asinado a EMPRESA decide as zonas onde non se pode aparcar e procede a retirar e a APROPIARSE dos coches aparcados nestas zonas para VENDELOS a terceiros.
Aos propietarios que protestan a EMPRESA lles di que por RESOLUCIÓN do CONCELLO teñen outorgada a EXECUCIÓN SUBSIDIARIA para levarse os coches e mellor que non protesten non fora ser que, enriba de quedar sen coche, teñan que pagar a multa e os custos da retirada do vehículo. E para intimidar aos propietarios que non se creen o conto a EMPRESA require a presenza da Policía.
É de Perogrullo o absurdo de expropiar coches por estar mal aparcados. Inda mais absurdo é que a empresa concesionaria decida onde está prohibido aparcar e que coches vai retirar. Pero todavía é mais absurdo que a EMPRESA venda os coches que retira quedándose co diñeiro da venda.
O certo é que a propiedade privada é un dereito recoñecido pola Constitución e a Unión Europea. Os coches son bens de propiedade privada e se se retiran deberán quedar en depósito ao dispor do titular. E só se o titular non retirase o coche do depósito pagando as multas, procedería o embargo de bens para saldar a débeda, pero nunca a expropiación forzosa e menos para que se lucre unha empresa, sexa pública ou privada.
gondomar
moito
por
descubrir
O que están a facer en liñas xerais
Ao parecer SEAGA presentouse no CONCELLO DE GONDOMAR cun CONVENIO, feito pola propia empresa, no que define as faixas secundarias de actuación e a madeira a retirar das fincas que son propiedade dos veciños, co argumento de que é obrigatorio pola Lei 3/2007 de Prevención de Incendios de Galicia.
Asinado o acordo, SEAGA procede coa EXECUCIÓN SUBSIDIARIA e, sin autorización xudicial nin permiso dos propietarios, entra nas fincas dos veciños e se APROPIA da madeira sen pagar para VENDERLLA a terceiros.
Aos propietarios que protestamos, SEAGA nos di que por RESOLUCIÓN do CONCELLO teñen outorgada a EXECUCIÓN SUBSIDIARIA para levarse a madeira das nosas fincas. E para intimidarnos require a presenza policial e ameaza dicindo que mellor non protestemos non fora ser que, por enriba de quedar sen a madeira, teñamos que pagarlles a multa e os custos da corta.
Os propietarios dicimos que o procedemento de EXECUCIÓN SUBSIDIARIA non confire o dereito a entrar en fincas de propiedade privada sen autorización xudicial ou do propietario, e moito menos para apropiarse dos bens que nesta se atopan para satisfacer o ánimo de lucro dunha sociedade mercantil, sexa pública ou privada. Polo tanto as cortas de SEAGA poderían non estar axustadas á legalidade.
Esta web é para informar aos veciños sobre as cortas de SEAGA, que se está a apropiar da madeira que atopa en fincas privadas nas que entra sen autorización e co beneplácito da XUNTA DE GALICIA e os Concellos.
COUSAS QUE IMOS SABENDO
A XUNTA DE GALICIA excede súa competencia lexislativa en procedemento administrativo
SEAGA entra en leiras privadas e leva a madeira sen pagar dicindo que a execución subsidiaria da xestión da biomasa non requirirá NINGUNHA autorización. Sucede que a XUNTA excede súa competencia lexislativa ao eliminar consentimento do propietario coa Lei 3/2007
Leer más
Entrar sen autorización xudicial en leiras privadas para unha EXECUCIÓN FORZOSA
SEAGA entra en leiras privadas para cortar e levar a madeira sen pagar, sen o consentimento do propietario e sen autorización xudicial. Di que pode facelo porque procede en EXECUCIÓN FORZOSA por orde do CONCELLO para cumprir coa Lei 3/2007. Pode facelo?
Leer más
A execución forzosa
A empresa SEAGA, vestida coa imaxe da Xunta DE GALICIA, entra en leiras privadas para levar a madeira sen pagar por EXECUCIÓN FORZOSA co procedemento de EXECUCIÓN SUBSIDIARIA. Que é isto?
Leer más
Notificación a titulares descoñecidos en Gondomar.
Para iniciar o procedemento de execución forzosa é obrigatorio notificar. O DOG 215 recolle o ANUNCIO de notificación a titulares descoñecidos. Que se esconde detrás do publicado?
Leer más
Poden multar tras a Execución Subsidiaria?
Os responsables de SEAGA ameazan con SANCIONAR aos propietarios que protestan contra esta empresa que entra, corta e aprópiase da madeira que hai nas leiras.
Leer más
